A̱kpa̱ndang

a̱kpa̱ndang

Subclass of	acquaintance, significant other
Facet of	friendship
Has cause	befriending
Hashtag	friends
Uses	friendship
Opposite of	enemy

A̱kpa̱ndang (a̱rywai) A yet a̱tuba nu̱ a̱ ryi shim ni, yi cong ndung ni, a̱u du̱kpa̱ndang yet byin na ya mon byyi nkyang a yi shai nyyai du̱ ba̱yaan ni ti byyi cet ra̱u ba̱ryat ka̱myrang bu̱ ba̱yaan, au̱ ka̱ccet ndung da̱ ni du̱ na̱won bat du̱twang, au ba̱nyet swat ka̱ryyi ka̱yring, a̱u yya pfwong ka̱rak ka̱yring. Ku̱ byyi cet ra̱u ba̱ryat ka̱myrang bu̱ ba̱yaan. An tada ba̱yanyet, du̱kpa̱ndang na sshi a̱katyi na̱ma-cwang na̱srong ba̱nyet ba a̱ ya byyi a̱ bvo ya cam ni; ba̱yaan a̱ bvo ma̱n byi ba̱rywai ba̰ sshi ka̱tswa, ma ka̱yat nba a̰ nbyi a̱nyyi nu a̱yet a̱tsatsak a̱rywai ni.

Ka̱ram ka̱yaan, ba na byyi a̱yiyreg a̱yaan da ni di a̱nyaam, nbra̱ng ryya bu̱ pfwa nzuk. Du̱rywai bvwon ba̱gungang, ma nkyang n sshi nyyi na ma a nu ryyi da ni du̱ sshi ndung a̱kpok ka̧̱ram, yya nkyang ndung, bu̱ yya nkyang a nu nok n brang bu̱ ta̱gbak ba̱yaan ni.

Ka̱ram ka̱yaan ba̱rywai a̱ na bvwon bu̱ byin, nkpa ba nan n hywa di 'a̱kpa̱ndang a̱ ran byinʼ, byit ji a na bvwa du̱kkwu ryi bvwong ku̱ ba̱kpa̱ndang a byi ka̱ssu bu̱ swa.

Ba̱rami myang, ka yet a̱kpa̱ndang ku̱ bvwa du̱kkwu a̱yet a̱tsak. Du̱kpa̱ndang yet kyang a ba kan zop u̱ na̱bvwa du̱twang ni, ba wruk bu̱ a̱huhwa a̱n yyi nkyang a a̱ na brang a̱ bvo tot du̱kpandang ni, da ni di ka̱shei ka naat an bvwot u̱ swatka̱sa na ni, cong ndung bu̱ ya yya nkyang ba̱cucrak.