Leo Tolstoy
Lev Nikolayevich Tolstoy[note 1] (/ˈtoʊlstɔɪ, ˈtɒl-/;[1] Russian: Лев Николаевич Толстой,[note 2] IPA: [ˈlʲef nʲɪkɐˈla(j)ɪvʲɪtɕ tɐlˈstoj] ⓘ; 9 Hywan a̱kumbvyring [O.S. nswak nhwa bu̱ a̱nunai 28 an hywan a̱nunai] cci kop jring bu cci a̱nunai bu nswak nhwa bu a̱nunai 1828 – nswak nhwa 20 an hywan a̱ku̱mbvuyring [O.S.ka̱tuk A̱tuyring 7 an hywan swak bu̱ a̱yring] cci kop jring bu cci a̱ku̱mbvuyring bu swak 1910),[2] An shong ba yin ku yei Leo Tolstoy, a̱ yin yet a̱ntyok du̱jem Roshya. Nu a̱mi a̱yet a̱yring ka̱yat ba̱ngwak du̱jem a̱nyyi ncei bu̱ ncei.[3][4]
Ba yin ku byin ka̱ryyi byyi ssha hwat, Tolstoy a̱ yinn tyi du̱yrek na yet za nswak nhwa u̱ du̱jem nkkang swatka̱sa nu na̱ na yin srak an yya a̱tak ka̱shendong ni da̱won, wat hung , bu hung, (cci kop jring bu cci anunai bu nswak npfwon bu a̱hwa 1852–cci kop jring bu cci anunai bu nswak npfwon bu a̱kutat 1856), bu̱ Sevastopol Sketches (cci kop jring bu cci anunai bu nswak npfwon bu a̱pfwon 1855), nkkang a yin nyyai u̱ ka̱bvung ka na̱ yin sswa an zwang Crimea ni. Zwang bu̱ tsswa nda (War and Peace) (cci kop jring bu cci anunai bu nswak a̱kutat bu a̱ku̱mbvuyring 1869). Anna Karenina (cci kop jring bu cci a̱nunai bu nswak a̱tu̱yring bu a̱nunai 1878), bu̱ ta̱kem nyyai a̱ya̱byen (Resurrection (cci kop jring bu cci anunai bu nswak a̱ku̱mbvuyring bu a̱ku̱mbvuyring 1899), nyyai u ka̱ywap yet hung nu,[5] a̱ yet npfwong a ba ru n ta̱twang pfwong ka̱zzu a̱nzzup (realist) ni[2] bu̱ a̱kpa a̱tat a a̱ byyi san a̱ rau kpit a ni.[3][4] A̱ bvo yin byi na̱macwang nkkang da ni di "Alyosha the Pot" (cci kop jring cci aku̱mbvuyring swak bu a̱yring 1911) bu̱ "After the Ball" (cci kop jring bu cci a̱ku̱mbvuyring bu swak bu a̱yring 1911) a̱kpa da̱ ni du̱ Family Happiness (cci kop jring bu cci a̱nunai bu nswak npfwon bu a̱ku̱mbvuyring 1859), The Death of Ivan Ilyich (cci kop jring bu cci a̱nunai bu nswak a̱nunai bu a̱kutat 1886), The Kreutzer Sonata (cci kop jring bu cci anunai bu nswak a̱nunai bu a̱ku̱mbvuyring 1889), The Devil (cci kop jring bu cci a̱ku̱mbvuyring bu swak bu ạ̱yring 1911), bu̱ Hadji Murat (cci kop jring cci a̱kumbvuyring bu swak bu a̱hwa 1912).
TSUTSWAT Ba̱nyet Tolstoy a̱ yin yet ba̱nyet ba ba yin bvwo ni a̱ kukkwo Roshya bu̱ du̱tyok bu ssha hywat, ba yin zop byin ba na a̱ su tyyi a a̱ngwak a̱yin a̱yaan nu ba yin bvwo ka̱rak ka na̱ yin hywok ni ba[14] a̱zu̱zrak a̱yin nu ba yin nyei Indris ni, Pyotr Tolstoy a̱yin dyat du̱ ba yin wruk nyyai " Nemec, nyai u̱ na̱byen Caesar" nat Chernigov ka̱yat du̱ryya 1353 ndung bu̱ na̱won nzam nu na Litvinos (or Litvonis) bu̱ Zimonten (or Zigmont) bu̱ ka̱tswa ba̱nyet 3000.[15][16] Indris a̱ yin bu̱ nwwa tsuup na̱za a̱za̱gbang a̱ta̱ntson (Eastern Orthodoxy), u̱ du̱yrek Leonty, bu̱ na̱won nu na Konstantin bu̱ Feodor. Ka̱nbvon Konstantin, Andrei Kharitonovich ba yin ku tyyi a̱kang du̱yrek Tolstiy (ma̱dei a̱mpfwat (translated as fat) .[15][16]
Rot a̱yuyrek nba na a̱ tai a̱nyyi ba̱nyet tsuup ba nbrang bu̱ yya ji ka̱nkrang Chernigov a̱ yin sshi a̱ta̱hwa du̱tyok Demetrius I Starshy, ba̱gyugyak ba̱yaan a̱ yin hywa di ba nyaai u̱ ka̱byen Lithuanian wwon a̱ wruk nyai u̱ du̱tyok Grand Duchy a̱nyyi Lithuania.[15][17][18] Ba̱ ra̱mi brak, a̱yin a̱ bvo tyyi ryang Indris ba u̱ ka̱yat du̱jem a̱rya 14th-su nat-16th-cencori, wwon ta̱twang a nyai a̱kpa Chernigov Chronicles a Pyotr Tolstoy na̱ yin yya ni a̱ yin bruk.[15] Ka̱tsutsrang du̱jem ka an sshi a̱nyyi nsot Tolstoy ni a̱ tyai di ba yin sshi a̱n cei 17th cencori, a̱ ryyi Pyotr Tolstoy di bvwak nu a̱ yet a̱tyi ka̱tsutsrang u̱ ni u̱ ka̱rryi du̱tyok ka ni, a̱ yin ssha du̱tyok ti nyai nbvwak A̱ngwak Peter (Peter the Great).[19][20]