Musa

Musa An nkkang yya tssup ji nyai a nbvak Ibrahim ni, Musa nu a̱ yin yet a̱tyyei ba̱ryat Ka̱za nu a̱ yin wruk bu̱ na̱won Israela na nyai u̱ du̱kkwa ti nyai Ma̱sat ka ni. [b] Nu ba ccang na̱ yin yet a̱tsak a̱tyyei ba̱ryat a̱nyyi ba̱nyet Yahuda bu̱ ba̱nyet Samarya wwon a̱ bvo yet a̱yring ka̱yat ba̱nyet tssup Ka̱za ntazwa ka bu̱ ba̱nyet tswa ka̱ta̱ssu bu̱̇ Bahai bu̱ ba̱yaan. Da̱ ni di ba n jem u̱ nkpa na ni, Ka̱za a̱ yin twang kpa na Musa na̱ jem, kpa na ba n yei Torah nu ni.

Da̱ ni di ba njem an kpa Wruk ni, ba yin byin Musa ka̱ram ka ba̱nyet nu ba Israėla ba yi n yet ka̱baan a shyi u̱ du̱kkwa ma ba shyi u̱ srak a̱ dung u̱ ka̱tswa ni, rot a̱mi A̱gwam Firauna a̱n yyi Ma̱sat u̱ a̱ dam a̱ rau, di ba bu̱ mon bvak bu̱ ba̱ra̱ndwan a̱ ba̱ ya an zwang. Ka̱ram a̱ ya a̱mi na̱ n kak bvwak ba hywai na̱won ba̱sam a ba tyei ka̱yat ba̱nyet Yahuda ni a̱ ga yywai ka̱tswa nba ka, A̱na Musa nu, Jochebed, a̱ ku nyat ka̱yat a̱ta̱nkwo du̱yaai an nyring ncen Nile. Ka̱won a̱nab Firauna nka a̱ bu̱ su shya ka̱bawon ka a̱ sook a̱ nat i ka̱ryi a su bra̱ng an yya ka̱won shya. Rot a̱mi na̱ rai nbvak ka̱ryi du̱tyok ka. Ka̱ram ka na nhywat a̱ntyok tyei du̱kkwa nyai Ma̱sat u a̱ yin shyi u̱ tsot a̱ntyok Ibrani ni, Ḿusa a̱ tyong a̱ nat a̱ma̱nyyi a̱shong nkyei ba̱shekkwot ka ya Midian, ka̱rak ka na̱ yin su mon bu̱ a̱gbadang a̱pfong ka̱za nu a̱ yin dyat ba̱ nu nyai u̱ du̱huung ti yin pyemm rong di tu hwui ni ba, a̱ntazwa du̱hwan horeb.

Ka̱za a̱ yin tom Musa na̱ brak ȧ̱ nat Ma̱sat a̱ su nwwa zzum ba̱ryat kai ba̱nyet nu ba a̱ wwon ba wruk nyai u̱ du̱kkwa ti. Musa a̱ hywa di a̱ byyi ba̱ghram a̱ nu n yyat ryat ba̱sat ba,[6] wwon Ka̱za a̱ wwon Aruna na̱ nat ba nu, [7] a̱ ga su yet a̱ntyok ba̱ryat u. Ka̱ram ka na̱ bu̱ n wruk bu̱ na̱bvung swak a ni, Musa a̱ wruk bu̱ ba̱nyet ba nyai Ma̱sat a̱ su byyek a̱gba̱dang a̱shong nkyei ba̱shekkwot u, a̱ su kprak ka̱ya an hwang Sinai ka̱bvwa ka Musa na̱ yin n san Trwang ji ni. A̱rya nswak naai na bu̱ syak ba ka jjam ka̱yat a̱kkwot nkyei njujak̃, Musa a̱ kkwu a̱nta̱zwa nhwang Nebo a rya cci jring bu̱ nswak hwa cicrak (120), na̱ ccang ka̱byen ka ba rop a̱ wwon a̱ nu ba ryi ni. [8]